الإثنين , 24 سبتمبر 2018
الرئيسية \ أخبارنا \ انتشار حالة من الفزع والخوف من لانتشار الكلاب الضالة باسيوط
انتشار حالة من الفزع والخوف من لانتشار الكلاب الضالة باسيوط

انتشار حالة من الفزع والخوف من لانتشار الكلاب الضالة باسيوط

كتبت : صفاء العريان

انتشرت الكلاب الضالة بمحافظة اسيوط وقراها انتشاراً كثيفاً فى الشوارع والتى باتت تشكل خطراً على الاطفال والكبار مما يصعب عليهم التجول خوفاً من هجوم الكلاب الضالة عليهم وضرورة التصدى لتلك المشكلة وتشكيل لجنة من الطب البيطرى لمواجهة تلك الخطر الذى يهدد حياتنا وحياة أبنائنا.

صرح م . ط صاحب سوبر ماركت انتشار الكلاب فى الشوارع وخاصة بجانب مصنع الكاكولا بأسيوط والأطفال بتخاف تعدى فى ايام المدارس وأحيانا الكلاب تجرى وراهم ولولا بعض الناس بيتدخلوا ويبعدوهم عن الأطفال لكانوا هجموا على الأطفال.

ت . ب صاحب صيدلية يقول” مرة خليت باب الصيدلية مفتوح شوية لقيت الكلاب دخلت الصيدلية فيا ريت المسئولين يلموا الكلاب من الشوارع وخاصة أن الشارع بمنطقة راقية زى الجمهورية “.

قالت” ام محمد ” ربة منزل  مبقدرش انزل اولادى يلعبوا بالشارع أو حتى للبقال الموجود بأسفل العمارة لان الكلاب بيتجولوا صباحا ومساءا فى شارع المحافظة والمفروض يخصصوا مكان للكلاب بعيدا عن الأحياء السكنية .

قالت(ف . ا) دكتورة بالجامعة  ” انا بنزل من البيت الصبح بدرى لتوصيل اطفالى الحضانه ولقيت الكلاب نايمين جانب باب الحضانه فبيخافوا يروحوا الحضانه مع أن الحضانه فى مكان راقى ولو سمحت احنا بنطالب من المسئولين إيجاد حل فى مشكلة تجول الكلاب فى الشوارع “.

وتقول(م . ع)  موظفة فى مجمع المصالح يرضى ربنا أحيانا افتح باب شقتى الصبح فى النميس ألقى كلاب قدام باب الشقة الكلاب بتدخل العمارات تنام قدام باب الشقق مش بعرف اطلع الزبالة ولا اعرف افتح باب شقتى لحد ما ينزل حد من السكان من فوق ويخافوا ويمشوا ياما بينزلهم بعصايا ليمشيهم بالقوة وأحيانا كتير بتاخر على شغلى بسبب الكلاب فين المسئولين من الكلام ده لما تكون الكلاب هى اللى بتهدد حياة المواطنين وإلا بس يتحركوا لما حياة الكلاب هى اللى بيبقي مهدده من المواطنين .

عن إسراء ثروت

اترك رد

%d مدونون معجبون بهذه: